თბილისის მეტროპოლიტენში "დიდუბე"-"ახმეტელის თეატრისა" და საპირისპირო მიმართულებით მატარებლების მოძრაობა შეჩერებულია.
როგორც "ინტერპრესნიუსს" "თბილისის სატრანსპორტო კომპანიაში" განუცხადეს, მოძრაობის შეფერხება დეპოში შემავალი მატარებლის დაზიანებამ გამოიწვია.
ამ დროისთვის მატარებლები ჩვეულებისამებრ გადაადგილდებიან "დიდუბიდან" "ვარკეთილის" მიმართულებით. მუშაობს ასევე საბურთალოს ხაზიც.
"თბილისის სატრანსპორტო კომპანიის" ინფორმაციით, შესაბამისი სამსახურები პრობლემის დროულად მოგვარებისთვის მუშაობენ.
ჯერჯერობით უცნობია, როდის აღდგება შეფერხებული მოძრაობა.